þá er ég búin að prófa bæði brettin sem ég fékk í jólagjöf. straubrettið virkaði svona líka vel og snjóbrettið heldur betur líka. við stefán fórum í fjöllin bláu á þriðjudaginn þrettándann til að sýna "snilli" okkar... ég er enn að gjalda fyrir það... brjálaðar harðsperrur! ég veit vel að það á að teygja og svoleiðis, maður er bara e-ð svo þreyttur þegar maður er loksins kominn heim... og svo leiðast mér teygjur. en brekkurnar voru æði. 0 stiga hiti/kuldi, enginn vindur, snjórinn fínn og engar raðir í lyfturnar... framan af a.m.k. ég bætti mig á brettinu, en fór samt heldur hægt yfir. engar alvarlegar dýfur þangað til í síðustu ferðinni þegar ég datt og sneri mig e-n veginn á leiðinni úr stólalyftunni... klaufinn ég. en ég fékk mér bara sæti í skafli einum og át snjó, þá batnaði mér fljótt. get ekki beðið eftir að losna við sperrurnar svo ég komist aftur í fjöllin!

svo er hún ágústa mín komin heim frá skrýtna skotlandi, og hana hitti ég í gær. mikið er ég búin að sakna hennar! og mikið er skrítið sumt fólkið sem hún umgekkst þarna úti... segi ekki meir. en vinirnir komu í heimsókn í gær, ágústu til heiðurs... við skoðuðum myndir, pöntuðum pizzu og spiluðum fússball. ég held ennþá titlinum meistari fússball... aldrei í hættu... úje.

já gleðileg jólin og nýja árið.
þar sem ég er í "fríi" varð ég að setja inn nokkur orð... svona fyrir mig. ég á að heita að vera í jólafríi, en öll jólin er ég búin að hafa hangandi yfir mér verkefni sem við hlynur eigum eftir að klára... ekki það að ég hafi hugsað mikið um innihald verkefnisins sjálfs, neinei, bara það að það þyrfti nú að demba sér í það. hlynur hefur aftur á móti verið mun duglegri en ég... sammari.

jólin voru yndisleg. ég og stebbi vorum í mat á hjá mor og far... guggu og sigga á hól (og litlu siss auðvitað líka). þau rétt náðu að flytja inn fyrir jólin, tengja ísskápinn, eldavélina og ofninn og henda steikinni inn. ég held ég geti sagt að ég hafi aldrei verið jafn hissa yfir jólagjöfunum mínum og þetta árið. en þar ber helst að nefna snjóbretti, skó og bindingar frá stebba, tengdó, mömmu og pabba, og fússball-table frá mor og far. brettið hefur ekki ennþá farið jómfrúarferð sína vegna óveðurs í fjöllum (arrrrgggh), en fússballið hefur sko verið spilað. ég er fæddur fússballspilari og varð strax meistari fússball, en stefán átti aftur á móti erfitt uppdráttar, sér í lagi eftir tap fyrir bæði mömmu og pabba... mömmu tvisvar sinnum! annars má oft minnstu muna að borðið fari aftur í hafnarfjörðinn vegna mikils tapsæris eigenda þess. ég tapaði um daginn tvisvar í röð fyrir stebba og var ekki mjög sátt... stebbi tapaði svo sex sinnum í röð fyrir mér og tók því síður vel. við höfum lofað mömmu betrumbótum á þessum viðbrögðum okkar og ætlum að tjúnna okkur soldið niður.

áramótin voru nú ekki síðri. ég fór í stórveislu á lækjarhvamm til óma frænda. pabbi og ómu höfðu eldað allan daginn en úr varð heljarins hlaðborð. ef minnið bregst mér ekki þá var þar á boðstólnum risahörpuskel, skötuselur, saltfiskur, kjúklingur, önd, hreindýr, carpaccio og lamb, öllu mjög vel tekið bæði af íslenskum og mexíkóskum gestum. vegna ofuráts tók ég því rólega um kvöldið, fyrst hjá halli og svo í gleði hjá tótu og matta... kom heim kl. 5. á nýárs bauð hallur í mat... tuttugu-og-fjórum... þríréttað og læti. fograaaaa (eða e-ð svoleiðis) sem er anda- eða gæsalifur í forrétt, sjávarrétta-risotto í aðalrétt og jamie-oliver-ískaka í eftirrétt... delissíössss! svo fórum við í leik sem snerist um að hópar sömdu leikþátt eftir ákveðnu þema og kepptu til verðlauna. ég fékk þann heiður að vera dómari, og þar sem það var ákveðinn idol-fílingur yfir þessu öllu saman kaus ég að vera sigga beinteins... sammála... frábært... a ha...

við höfum farið í ógrynni fjölskylduboða og þannig alltaf verið í mat e-s staðar... held við höfum ekki eldað síðan í nóvember! en í kvöld ætla ég nú að elda... hakk og spaghetti eða e-ð svona ójóló.

úúú... skólinn minn byrjar ekki fyrr en á miðvikudaginn... ljúft.

yfir og út!