það er svo margt í skólanum mínum sem ég ekki skil.

- ég skil ekki mötuneytið mitt. það er eldhús með öllu tilheyrandi, áhöldum og mat, en enginn starfsmaður. þar er sjálfsafgreiðsla og þú borgar bara í e-n bauk ef þér sýnist svo þegar þú hefur smurt samlokuna þína. næstum alltaf þegar ég kem þangað þá eru risavaxnir tölvunördar að baka brauð eða kökur (sem er frekar skondin sjón) og ég veit aldrei til hvers. má ég bara fá mér köku eða? skil þetta ekki.
- ég skil ekki skrítna strákinn sem er með mér billedbehandling og mönstergendkendelse. á milli tíma þá fer hann fyrir framan allan bekkinn í stóra fyrirlestrasalnum með prikin sín þrjú og leikur sér að því að halda einu þeirra á lofti með hinum tveimur. veit ekki hvað þetta heitir en þetta er e-s konar sirkusatriði. veit ekki hvers vegna hann finnur sig knúinn til að vera með þetta show. i dag var hann líka extra hress með 3 bolta til að halda á lofti og kastaði þeim öllum í einu til kennarans, sem btw. er fjörgamall, og hann átti að grípa þá. auðvitað gat hann það ekkert! þetta er kannski e-r ofvirkni í stráknum sem lýsir sér svona. ég skil það a.m.k. ekki.
- svo skil ég ekki alltaf það sem kennarinn segir því hann talar útlensku.

já, það er svo margt.

nú þegar erna, núverandi gestur okkar, er á heimleið, þá er strax hafinn undirbúningur fyrir næstu gesti. barði kemur á föstudaginn og þórhildur á laugardaginn. þórhildur, ég gleymdi að segja þér... þú og barði munuð deila stofu-/svefnherbergis-/borðstofu- gólfinu okkar þennan tíma sem þú verður hjá okkur. er það ekki í lagi? eða kannski verða strákarnir á gólfinu og við á beddanum í koddaslag. sjáum til.

hlakka mjög til að fá ykkur dúllurnar mínar. (k)

það var lítið talað um annað en gísla martein hér á bæ síðustu viku. ari, stebba vinur, hafði boðið okkur í innflutningspartí hjá bofællesskab-inu sínu á föstudagskvöld (í gær). þau búa fimm saman þ.a. hann átti von á margmenni, þ.m.t. gísla nokkrum marteini. þetta þótti mér alveg magnað og gat ekki beðið eftir því að hitta manninn... mér finnst hann svo frábær. ég undirbjó mig m.a.s. andlega fyrr um daginn... fór á kaffihús frikka væs og hitti kónginn. maður verður að venjast stjörnufansinum.

heyrðu, svo mætti gísli bara ekki neitt! ég var mjög skúffuð. og ég orðin svona spennt. ari lofaði mér samt að senda hann til mín í dag, um 7 leytið, og hér sit ég nú að undirbúa komu hans :-D

"Hello, is this the SAS customer service?"

Nei!!! þetta er ekki hjá SAS. Þetta er alveg ótrúlegt, um leið og við losnum við bókaklúbba símhringingarnar heima þá erum við orðin viðskiptaþjónusta SAS í Köben. 3/4 af símhringingunum á Bollagötu voru frá fólki sem vildi gerast áskrifandi að Andrés önd eða Galdrastelpunum og ég held að SAS sé búið að toppa það. Samt alltaf svoldið gaman þegar einhver hringir...

Halló

Ætli það sé ekki rétt að láta fólk vita að Rut er ekki ein hérna úti og ég er enn á lífi. Var að henda inn nokkrum myndum, allt gamlar syndir samt. Svo fer þetta að koma inn smátt og smátt.

Gestagangurinn er formlega byrjaður. Hrafnhildur búin að koma og ég sæki Ernu frænku út á flugvöll á eftir. Þórhildur kemur 2. okt og það eru margir að bítast um laust pláss á stofugólfinu í villunni. Rétt að minna á að þeir sem þiggja gistingu á Nörre Sögade verða að fylla ískápinn af góðgætum og helst bjóða okur út að borða :D

Jæja ég verð að leyfa Rut að komast í tölvuna, þarf að gera verkefni. ble ble.

matareitrun!
nú er ég sko hætt að borða skyndibita... já nema macdónalds og pizzurnar hjá brjáluðu ítölunum í hverfinu okkar :-S á sunnudaginn fóru ég, stebbi og hlynur og fengum okkur mat á punto pizza, sem er tyrkjapizzastaður í nágrenninu... já, við vildum prófa e-ð nýtt. meiri vitleysan. á mínum "rétt" var e-r tyrkjadressing sem búið var að míga í. daginn eftir lá ég kylliflöt, ýmist skjálfandi eða svitnandi, milli þess sem ég hljóp á klósettið og reyndi uppköst. þennan góða dag náði ég að setja ofan í mig næstum heilt glas af bollasúpu. leið mun betur í dag, fékk þó ógleði köst af og til. leið öllu betur þegar ég sá huxtable fjölskylduna birtast á skjánum í the cosby show syngja með stevie wonder. það er sko alveg jafnskemmtilegt og í minningunni. já það er svo margt.

úúú... gleymdi að láta vita af símanúmerunum okkar.

rut: 5088-RASS
stebbi: 5088-LOVE
heima: 3313-RASS

landsnúmerið er +45.

bloggerinn kominn í lag :-)

það er allt gott af okkur að frétta, lífið ósköpt ljúft hér í kaupmannahöfn. ég er reyndar að ná mér upp úr veikindum, búin að liggja í nær viku. en allt á uppleið.

ég er búin að ráða mig í vinnu á studenterhuset sem er skemmtistaður kaupmannahafnarháskóla. þar vinna allir launalaust... umbunin felst í félagsskap og öli. já, þar vinnur fólk fyrir bjór. fyndið fyrirkomulag, en það virðist virka hérna úti (sé þetta ekki alveg fyrir mér heima á íslandi). þar er ég búin að kynnast fullt af hressum dönum, en svo skemmtilega vill til að meirihluti starfsfólksins er í tölvunarfræði, sem er ekki leiðinlegt. annars er ég orðin mjög góð í svona bar-dönsku... bjór (skrilljón tegundir), danskar sígarettur, danskir gosdrykkir, dönsk verð, "viltu lækka", þjórfé... ekki slæmt.

danirnir eiga í smá vandræðum með framburð íslenskra nafna (spyrjið bara hlyn). mér þótti mjög leiðinlegt að komast að því að "rut" væri næsti bæri við "prut", en það þýðir prump á dönsku. ekki alveg nógu töff að vera kölluð "prump". þegar ég sagði að það mætti alveg kalla mig "lut" (eins og kínverji nokkur gerði), þá var því strax snúið í "luder" (vændiskona), sem er eiginlega verra en prump. erfitt líf... ég er ýmist prump eða vændiskona.

annars er alltaf að bætast í danska orðaforðann. sem dæmi má nefna:
pissestiv = ofurölvi
pissesur = rosa reiður
pissesulten = svaka svangur
på röven = staurblankur... n.b. ekki á rassgatinu, as in ofurölvi
fis = prump; fise = prumpa; prut = prump... gott að kunna mörg mismunandi orð yfir þetta :-)
pis og papir! = piss og pappír!... upphrópun sem má nota við hvaða tækifæri sem er.

danskan er góð...